2011年12月16日星期五

OTS OKINAWA RENT-A-CAR


沖繩有好多景點, 但係都散落島上不同的地方, 如北面的水族館, 東面的海中道路, 南面的鐘乳洞等, 而公共交通又不太方便. 自駕遊會係一個理想的選擇.

沖繩好多大少不同的租車公司, Toyota, Honda, hertz, avis 等等. 不過由台灣人經營的 OTS 租車公司 reputation 幾好, 所以最後都幫襯了.

我在香港先經 internet 預約, 選好自己想要的車類, 再於抵達當天去取車. 坐香港快運的話, 到達會係大約是下午左右, 那霸機場會有 OTS 專車接你去拎車的地方 臨空豊崎營業所, 然後辦理手續. 當地有位職員識普通話 (識一點廣東話), 辦理手續可以指定搵佢.

我租左 B Class (1,400 cc) 的車種, 當日 OTS 比我 軍綠色的 NISSAN CUBE, 可以接受. 沖繩勁多 cude 行走!

玩了4, 租車費大約港幣 1100 , TOYOTA 租車公司平了一點.

還車時我將車直接駛去那霸市內的 DFS 營業所 佢地有專人驗車/收車. (記住入滿油啊!)

搵這間公司的好處係因為佢有中文網頁,宜且車種算多。

Official Website:

我看燈槽

不知由何時開始, 新裝修的單位 / 餐廳 / 店舖 都喜歡裝了燈槽, 亦慢慢成為了一種裝修的必須品.

燈槽的照明效果
燈槽受歡迎的原因, 是因為佢容易帶柔和/分散的照片效果, 亦令裝左燈槽附近的天文/牆壁/家具等有分散光源照射, 顯得高貴一點. 另外香港大多數的單位都比較細少, 一條長燈槽已可以做到照明的效果, 有時可以代替其他照明, 令天花較為簡潔. 此外, 燈槽下方以安裝形形式式的射燈, 可以照射牆上的飾品 / 畫等等.

燈槽的應用
燈槽可以應用的地方有很多, 常見用於客廳, 飯廳, 房間, 也有人會用於廚房及洗手間 (我的洗手間也有燈槽). 我比較喜歡將燈槽用於有橫樑 / 不規則的牆角, 用意是可以用燈槽融合橫樑/ 牆角, 令它們在視覺上消失. 做法是如果燈槽跟橫樑都是批灰油漆的, 完成後視覺上分不出邊到係橫樑, 邊到係燈槽.

燈槽裝在電視牆的一面可以作為看電視的主光源. 柔和的燈光可以減輕眼部對電視的集中力, 減輕眼部疲勞.

燈槽的另類功能
其實燈槽可以收藏分體機的雪種喉/音響系統的喇叭線等等. 設計適當的話可以省卻好多裝修工序.

燈槽的價錢
造燈槽的手工比較花時間, 木工師父要在單位內砌木台開木, 燈槽的表面可能要批灰,油漆,貼板,貼木皮等等, 所以價錢不算平宜. 坊間價錢以 $200 - $400 一直呎計. 如果一個廳區十呎長, 八呎深, 造一個 L 型燈槽可能要 $3,600 - $ 7,200. 當中包括了手工, 光管同普通的石英膽射燈. 如果要用好的射燈, 價錢會另計. (我用 LED , 自己另外買).

鋪地板


裝修其中一項大項就是換地板. 地磚 / 實木地板 / 無縫地板 都各有優劣, 以下根據個人經驗同理解遂一分析.

地磚 ($10-$60 / 呎連工包料)
好處: 相比起木地板, 同等價錢已可以買到十分優質的地磚. 價錢上有一定優勢, 其實 $25 以上已經好靚; 地磚打理亦方便, 又冇防水的問題.
壞處: 個人認為地磚的壞處係冬天會凍; 而小朋友/長者在地磚又比較容易滑倒.

實木地板
好處: 不論係柚木/橡木/檀香木, 實木地板都十分美觀, 紋理亦靚. 宜家仲有d實木地板係唔須要在面頭打蠟, 啞面亦可以. 增加左設計上的彈性.
壞處: 最大的死症係熱漲冷縮的問題. 尤其係西斜的單位, 無論d 木點靚, 手工幾好, 用上幾年就因為熱漲冷縮的關係, 導致木板之間爆開裂縫, 面頭的蠟亦都會裂開, 極為不雅, 亦藏污納垢…; 另外實木亦有蟲蛀的風險.

 爆左的金橡木:


無縫地板 ($8-$80 / 呎連工包料 / 價錢平的來自馬來西亞/大陸, 中高價錢地板來自西歐,北歐及美國等等)
好處: 浮裝的無縫地板唔會有熱漲冷縮的問題; 顏色/紋理選擇多. 設計上容易配襯.
壞處: 手工 / 質量唔好的無縫地板會有發聲的問題, 要小心選擇; 板面感覺較實木低檔次; 打理時候亦要注意水的問題; 由於浮裝(即不用落釘)的關係, 部份牌子的地腳線會同板面上有一條小縫, 仔細一看亦唔好睇, 亦有機會藏污納垢.

Quickstep無縫地板
由於之前的屋用過地磚同埋實木地板, 而無縫地板近年又改良唔少, 最後屋企都係用左無縫地板. 牌子方面, study pergo, balterio, quickstep, 最後都係用了比利時製造的 quickstep. 大家如果要比較, 可以到旺角上海街/灣仔駱克等的地板鋪頭拎板材睇下, 睇下d salemen 點講, 然後再去各大牌子的外國官網 (因為香港的網多數冇野睇) 睇下, 一定會搵到自己鍾意的牌子.

選擇 quickstep 的原因因為佢o係香港有原廠代理, 安裝的師父相信會比較熟手. 600 幾呎的地方實際安裝了 315呎左右 (已包損耗, 只鋪廳房). $50-$60/呎來計, 600 幾呎的地方大約鋪了$20,000. 有以下幾點須要注意:

~ 如果原有地台夠平坦, Quickstep 是可以鋪上原有地台的.
~ Quickstep的板材連板下的珍珠綿大約 8 – 13mm , 如果不清走原有地台, 門腳必須刨低.
~ 安裝地板的日子應該安排o係牆身油完第二層油漆後, 因為安裝腳線時會刮花牆身漆油. 第三層以後的油漆可以補去花痕.
~ 安裝後一定要鋪上保護板, 以免打後裝修工具刮花地板表面.

用後感
~ Quickstep 完全冇聲音問題, 師父呢方面的手工非常好.
~ 地腳線會同板面上有一條小縫, 仔細一看唔好睇.
~ 個人經歷: 地腳線安裝不太穩 (主要用強力膠水 / 氣壓釘), 相信日後會掉落.
~ 板面極之耐用, 我跌過刀及鎚仔都冇花. 平日拖台拖家私亦冇問題.
~ 防水 performance 唔錯, 非常容易打理.
~ 我用的是 UM 1304, 淺灰橡木色 (好襯 muji 家具)

Official website:
www.quickstep.com


JUN 2016:
QUICK STEP 用了5 年,開始有D毛病,我會寫篇五年後的用後感。大家可以BOOKMARK 這BLOG 後再回來看,或者SEND EMAIL 給我。

2011年12月5日星期一

噢~ 聖誕樹~


~ 聖誕樹~

聖誕樹是兒時的玩物. 有自己的地方後就想有一棵聖誕樹在家擺設.

聖誕樹主要有仿製樹, 燈飾, 飾物 (如星星, 小禮物盒, 碎閃紙條, 鐘飾, 彩球等等). 要買齊所有的都可以所費不菲.

仿製樹的大小通常是以高度(呎數)作單位, 由座台的一至兩呎, 到座地的3 – 8 呎都有.

個人認為如果家裡有位置的話, 6 呎會是一個不錯的選擇. 因為 6呎會高過一般人, 企在旁邊影相會好睇一點. 5 呎也可以; 5 呎以下攝影出來的效果就會好差.. 我今年在旺角找到了一棵很平的樹, 5 呎只售 $88! 樹是膠腳, 但十分穩! 樹葉是膠條做的, 遠睇都可以.



再來就是佈置, 100 頭的彩燈也是在那地方買可能是樹平, 一不少心就買貴了! 燈買了 $100. (淘寶只賣 10 多元). 燈有 4 mode, 1 個長開, 3個唔同速度閃. 電製老闆人手換了三腳, 線料就好一般.

也在那鋪買了其他裝飾. 然後去宜家家居買了一筒 50 個紅波 ($79.9), 再加一盒小佈置 kits ($ 29.9), 內有松果, 星星, 小禮物盒, 鐘飾等等.



整棵樹大概用了 $400. 朋友們都讚好呢 !!

2011年12月2日星期五

租車 ﹣ HERTZ SAMUI


Hertz Samui

蘇梅交通唔算方便所以自駕遊會係一個唔錯的選擇
蘇梅又有好多大少不同的租車公司但小公司可能會要求你留低passport 作為 deposit. 
果唔想的話都係建議搵大間的公司例如 avis / hertz 等等.
無意發現 hertz 最近做緊  2  1 優位 (即租兩天送一天), 所以就用了 hertz 公司
建議先o香港打電話預約然後當地睇下點樣擺車因為如果o係香港坐直航的話
到達會係大約夜晚 9:00左右, 8:00 關門的機場 hertz counter 唔會再有人 entertain .

香港 hertz 公司話要 48 小時前預約先安排到o酒店拎車宜且會有收費
但我到達後第 2 朝早上打去 samui hertz 到問佢地可以免費隨時送部車去酒店.
(
不過有一樣唔好就係香港話費用已包 tax, samui hertz 就要收我 7% VAT, 理論都無用,
 幾十蚊就由得佢). 

我租左 HONDA jazz 或類似的車種但失望地佢地當日只能比我 Toyota vios, 樣衰好多.

玩了3租車費大約港幣 1000 會比 local 租車公司貴 (但我買了每天大約 $50 的全保). 
好處係唔洗放低 passport, 但亦要用credit card 扣起大約 hkd $ 6,500 做擔保
還車時完好會全數退回.
還車時我將車直接駛去機場的 departure area, 然後打電話比 hertz.
分鐘後佢地就有人來驗車/收車. (記住入滿油啊!)


總括都ok, 部車算新功能正常乾淨員工有禮及可以用英文溝通.
Ps: 我環島一圈大概用了兩個鐘三日內環了兩次途經不同海灘及夜市.

TOYOTA VIOS















SUNSET AT NATHON


免責聲明

本網頁純屬網誌,一切言論純粹是個人意見。本人亦無法保證網誌內容的真確性和完整性。無論在任何情況下,不應被視為投資建議,也不應被成要約、招攬、邀請、誘使、建議或推薦。 讀者一切的投資決定以及該投資決定引致的收益或損失,概與本人無關。

筆者不是證監會持牌人士,不能提供任何投資意見。

Follow by Email

I Love Travel

除左投資,我其實好鍾意去旅行,去過的地方:
北京 天津 武漢 廣州 珠海 台北 高雄 墾丁 曼谷 蘇梅 清邁 新加玻 民丹島 首爾 春川 內藏山 井邑 東京 大板 京都 奈良 神戶白濱 那霸 明護 倫敦 劍橋 溫莎 巴夫 溫特米爾 列斯 愛丁堡 巴黎 里昂 梵爾賽 茵特拉肯 少女峰 洛森 羅馬 比薩 佛羅倫斯 米蘭 威尼斯 梵蒂崗 烏德勒支 阿姆斯特丹 鹿特丹 尼斯 沙巴 神山

關於我

我的相片
東昇 是土生土長的香港 80 後,和很多香港人一樣,沒有家底,畢業後所有事都是靠自己的。19 歲開始投資股票,27歲獨力上車,現在向財務自由第一個milestone努力中。 希望在此分享投資心得及經驗。 我這個實在的上車故事,總可以給人們一些不離地又沒有嘩眾的分享吧? 歡迎留言/電郵,一定解答。 Contact: hkgconsumer@gmail.com